1796 Untitled 1

郭富城高調認愛,與27歲模特兒方媛(Moka)燃愛火,Moka火速被網民起底。

據知「新城嫂」方媛Moka幾年前來港影寫真,諗住可以拋胸殺上位,點知事與願違,所以佢冇工開時,都有同其他0靚模出動,好多富二代會約佢哋消遣,仲會拍吓散拖,所以爆出Moka同郭富城拍拖,「攻城」成功,好多富二代都熱烈討論。

Moka因為冇知名度,job錢好奀,幫品牌po嘢上微博先得3500蚊,上月更來港做電玩女,參加「九陰真經手機版」新八大門派女掌門代言人招募活動。

Moka有見工作量唔多,近日決定同前經理人施念慈解約,希望回復自由身,當然佢有天王男友撐腰,當然生活無憂,唔需要再做0靚模,佢仲希望盡快洗底入城做「正印城嫂」,施念慈都放佢一條生路。

Moka一夜成名,相信再接job,孭住「新城嫂」個朵,都會升價十倍!

熊黛林等咗7年都等唔到嘅待遇——春風滿臉嘅郭富城大方應戀情,仲送咗句:「我想再講一樣嘢,我覺得係,應該要講嘅就係…生活唔係戰場,唔需要一較高下。」唔知係講緊新歡Moka(方媛)身高同自己相似,定係暗指黛林喺微博貼情侶鞋「還擊」呢?

城城噚晚接受訪問時就話,唔覺得同女友相差23年有問題,亦明言唔介意女方嘅過去,但網民就似乎唔係咁諗。

好 明顯,香港網民都係focus喺新城嫂Moka嘅豐滿上圍,以及佢同黛林邊個好啲,但大陸網民幫Moka起底呢,就真係不遺餘力,包括指佢曾經以化名「愛 麗絲」,參與內地貴州衛視嘅徵友節目《非常完美》,自我介紹話曾有過六段情,最長一段感情只維持2年;另Moka又被指曾開過淘寶店賣衫,兼有人喺網上貼 出數星期前向Moka私訊「問價」——係問個手袋幾多錢。

亦有大陸網民紛紛爆料,指Moka曾於廣州一家夜店工作,兼且報細一歲云云,仲有指自從同城城一齊之後,就刪除咗好多微信圈嘅朋友……咁,冇圖冇真相,講乜都得0架喎!

今 晨三點左右,Moka唔知係咪瞓唔著,於是喺微博貼文:「還是想要出來澄清一下,今天微博早上被盜號打的個廣告並非本人操作,而微信圈曝光和公佈我一些隱 私的東西,令我很難過,平時很信任的一些人為什麼變這樣,最後就是我並不認識大家說的這個誰那個誰,更也沒有見過。希望媒體不要用胡亂猜測來撰寫不實的東 西!謝謝。」唔知係否認邊樣傳聞呢?

咁呢,網民嘅回應都好抵死,有人話:「居然設置了關注才能評論。。看了她一堆照片為什麼覺得每張照片 都換了張臉,還跟很多人很像。」、「誰會盜你號,假不假,你當我們都是三歲孩子啊,發就發了,你真的好不誠實噢。」、「我就一直盯著評論、看評論數量增多 又降少又增多又降少 就是想問問刪評論累不累?」